ഡല്ഹി: കേന്ദ്രസര്ക്കാര് ജീവനക്കാര്ക്കും പെന്ഷന്കാര്ക്കുമുള്ള ക്ഷാമബത്തയും ക്ഷാമാശ്വാസവും ഉയര്ത്തി. മൂന്ന് ശതമാനമാണ് ഉയര്ത്തിയത്. ഇന്ന് ചേര്ന്ന മന്ത്രിസഭായോഗത്തിലാണ് തീരുമാനം. ദീപാവലി കൂടി കണക്കിലെടുത്താണ് ക്ഷാമബത്ത ഉയര്ത്താന് കേന്ദ്രസര്ക്കാര് തീരുമാനിച്ചത്.
പുതിയ തീരുമാനത്തോടെ ജീവനക്കാരുടെ ക്ഷാമബത്ത അടിസ്ഥാന ശമ്പളത്തില് അന്പത് ശതമാനം എന്നത് 53 ശതമാനമായി മാറും. 18,000 രൂപ അടിസ്ഥാന ശമ്പളമുള്ള ജീവനക്കാരുടെ ക്ഷാമബത്തയില് പ്രതിമാനം ഏകദേശം 540 രൂപയുടെ വര്ധനയുണ്ടാകും. ഇക്കഴിഞ്ഞ മാര്ച്ചിലാണ് ഇതിന് മുന്പ് ക്ഷാമബത്ത വര്ധിപ്പിച്ചത്. അന്ന് നാല് ശതമാനം വര്ധന വരുത്തിയിരുന്നു.
