ബെംഗുളുരു: ബോളിവുഡ് താരം സല്മാന് ഖാനെതിരെ വധഭീഷണി മുഴക്കി പണം തട്ടാന് ശ്രമിച്ചയാള് കര്ണാടകയില് പിടിയില്. കര്ണാടകയിലെ ഹാവേരിയില് നിന്ന് 32-കാരനായ രാജസ്ഥാന് സ്വദേശി ബിക്കാറാം ബിഷ്ണോയി എന്നയാളെ അറസ്റ്റ് ചെയ്തത്. ഇയാള് ഒരുമാസമായി ഇവിടെ താമസിച്ചുവരികയായിരുന്നു.
രണ്ട് കോടി രൂപ നല്കിയില്ലെങ്കില് നടനെ വധിക്കുമെന്നായിരുന്നു ഭീഷണി സന്ദേശം. ലോറന്സ് ബിഷ്ണോയ്യുടെ സഹോദരനെന്ന് അവകാശപ്പെട്ടായിരുന്നു ബിക്കാറാം പണം ആവശ്യപ്പെട്ടത്. പ്രതിയെ മഹാരാഷ്ട്ര പോലീസിന് കൈമാറി.
