തിരുവനന്തപുരം: നെയ്യാറ്റിന്കര സമാധി കേസില് കല്ലറ പൊളിച്ച് പുറത്തെടുത്ത ഗോപന് സ്വാമിയുടെ മൃതദേഹം പോസ്റ്റ്മോര്ട്ടത്തിനായി മാറ്റി. തിരുവനന്തപുരം മെഡിക്കല് കോളേജിലാണ് പോസ്റ്റ്മോര്ട്ടം നടക്കുക.
പത്തുമണിയോടെ നടപടിക്രമങ്ങള് ആരംഭിക്കും. പോസ്റ്റ്മോര്ട്ടം റിപ്പോര്ട്ട് ലഭിച്ചശേഷം തുടര്നടപടികളെടുക്കും. ആവശ്യമെങ്കില് കുടുംബത്തിന്റെ മൊഴി വീണ്ടും രേഖപ്പെടുത്തും.
രാവിലെയാണ് കല്ലറയുടെ സ്ലാബ് മാറ്റി ഗോപന് സ്വാമിയുടെ മൃതദേഹം കണ്ടെത്തിയത്. ഇരിക്കുന്ന നിലയിലായിരുന്നു മൃതദേഹം. നെഞ്ച് വരെ പൂജാദ്രവ്യങ്ങള് മൂടിയ നിലയിലാണ് മൃതദേഹം കണ്ടെത്തിയത്.
