തിരുവനന്തപുരം: 63ാമത് സംസ്ഥാന സ്കൂള് കലോത്സവത്തില് കപ്പ് തൃശൂരിന്. ആകെ 1008 പോയിന്റുകളാണ് ജില്ല നേടിയത്. ഇഞ്ചോടിഞ്ച് പോരാടിയ പാലക്കാട് 1007 പോയിന്റുകളുമായി രണ്ടാം സ്ഥാനം കരസ്തമാക്കി. ഒരൊറ്റ പോയന്റ് വ്യത്യാസത്തിലാണ് തൃശൂര് പാലക്കാടിനെ മറികടന്നത്.
1003 പോയിന്റുമായി കഴിഞ്ഞ തവണത്തെ ചാമ്പ്യന്മാരായ കണ്ണൂര് മൂന്നാം സ്ഥാനത്തേക്ക് തള്ളപ്പെട്ടു.
26 വര്ഷങ്ങള്ക്ക് ശേഷമാണ് തൃശ്ശുര് ജില്ല കലാകിരീടം ചൂടുന്നത്. 1999ല് നടന്ന കൊല്ലം കലോത്സവത്തിലാണ് തൃശൂര് ഇതിന് മുന്പ് ജേതാക്കളായത്.
സ്കൂളുകളുടെ വിഭാഗത്തില് പാലക്കാട് ആലത്തൂര് ബി.എസ്. ജി.ഗുരുകുലം ഹയര് സെക്കന്ഡറി സ്കൂളാണ് ഒന്നാമത്. 171 പോയിന്റോടെ ബഹുദൂരം മുന്നിലാണ് അവര്. തിരുവനന്തപുരം കാര്മല് ഹയര് സെക്കന്ഡറിയാണ് രണ്ടാമത്. ഇടുക്കി എം.കെ. എന്.എം.എച്ച്.എസ് സ്കൂളാണ് മൂന്നാമത്.
സമാപന ചടങ്ങില് വിദ്യാഭ്യാസമന്ത്രി വി.ശിവന്കുട്ടി വിജയികള്ക്കുള്ള സമ്മാനങ്ങള് വിതരണം ചെയ്യും. ചടങ്ങ് പ്രതിപക്ഷ നേതാവ് വി.ഡി.സതീശന് ഉദ്ഘാടനം ചെയ്യും. ചലച്ചിത്രതാരങ്ങളായ ടൊവിനോ തോമസും ആസിഫലിയും അതിഥികളായി പങ്കെടുക്കും.
