കോഴിക്കോട്: പുതുപ്പാടി അടിവാരം പൊട്ടിക്കൈയില് മലവെള്ളപ്പാച്ചിലില്പെട്ട് യുവതി മരിച്ചു. അടിവാരം സ്വദേശി സജ്ന(36) ആണ് മരിച്ചത്. തോട്ടില് അലക്കിക്കൊണ്ടിരിക്കെയായിരുന്നു അപകടം.
അലക്കുന്നതിനിടെ പെട്ടെന്ന് ശക്തമായ വേഗതയില് മലവെള്ളപ്പാച്ചില് എത്തുകയായിരുന്നു. ഒപ്പമുണ്ടായിരുന്ന രണ്ട് സ്ത്രീകളാണ് അപകടവിവരം നാട്ടുകാരെ അറിയിച്ചത്. തുടര്ന്ന് മൂന്ന് കി.മീറ്റര് അകലെ കൈതപ്പൊയില് നിന്നു മൃതദേഹം നാട്ടുകാര് കണ്ടെത്തുകയായിരുന്നു.
