തൃശൂര്: ഹേമ കമ്മിറ്റി റിപ്പോര്ട്ടിനെ തുടര്ന്ന് മലയാളസിനിമാ മേഖലയിലുണ്ടായ ആരോപണത്തില് പ്രതികരണവുമായി കേന്ദ്ര മന്ത്രിയും നടനുമായ സുരേഷ് ഗോപി. വലിയ സംവിധാനത്തെ തകര്ക്കുകയാണ് മാധ്യമങ്ങളെന്നായിരുന്നു സുരേഷ് ഗോപിയുടെ പ്രതികരണം. മുകേഷിന്റെ കാര്യം കോടതി തീരുമാനിക്കും. വിവാദങ്ങള് മാധ്യമങ്ങളുടെ തീറ്റയാണ്. ആരോപണങ്ങള് മാധ്യമസൃഷ്ടിയാണ്. ഒരു വലിയ സംവിധാനത്തെ തകിടം മറിക്കുകയാണ് മാധ്യമങ്ങളെന്നും സുരേഷ് ഗോപി പ്രതികരിച്ചു.
പരാതികള് ആരോപണത്തിന്റെ രൂപത്തിലാണ് നില്ക്കുന്നത്. കോടതിക്ക് ബുദ്ധിയും യുക്തിയുമുണ്ട്. കോടതി തീരുമാനിക്കും. ആടുകളെ തമ്മില് തല്ലിച്ച് ചോര കുടിക്കുക മാത്രമല്ല, സമൂഹത്തിന്റെ മാനസികാവസ്ഥയെ തകിടം മറക്കുകയാണ് മാധ്യമങ്ങള് എന്നും സുരേഷ് ഗോപി പറഞ്ഞു.
