തൃശ്ശൂര്: ഹേമാ കമ്മിറ്റി റിപ്പോര്ട്ടിനെക്കുറിച്ചുള്ള മാധ്യമപ്രവര്ത്തകരുടെ ചോദ്യങ്ങളോട് വീണ്ടും ക്ഷോഭിച്ച് നടനും കേന്ദ്രമന്ത്രിയുമായ സുരേഷ് ഗോപി. തൃശ്ശൂരില് പ്രതികരണം ആരാഞ്ഞ മാധ്യമ പ്രവര്ത്തകരെ തള്ളിമാറ്റി അദ്ദേഹം കാറില് കയറി പോയി. എന്റെ വഴി എന്റെ അവകാശം എന്ന് പറഞ്ഞ് മാധ്യമങ്ങളുടെ മൈക്ക് തട്ടിമാറ്റി ക്ഷോഭിച്ചായിരുന്നു മന്ത്രി പോയത്.
മുകേഷിന്റെ രാജിയുമായി ബന്ധപ്പെട്ട ചോദ്യങ്ങളോടായിരുന്നു പ്രകോപനം. അമ്മയുടെ യോഗത്തില്നിന്ന് ഇറങ്ങി വരുമ്പോള് ഈ ചോദ്യം ചോദിക്കണമെന്നും വീട്ടില്നിന്ന് ഇറങ്ങുമ്പോള് വീടുമായി ബന്ധപ്പെട്ട ചോദ്യം ചോദിക്കണമെന്നുമായിരുന്നു പ്രതികരണം.
