കണ്ണൂര്: ടി വി പ്രശാന്തനെ ജോലിയില് നിന്ന് സസ്പെന്ഡ് ചെയ്തു. പരിയാരം മെഡിക്കല് കോളേജില് ഇലക്ട്രീഷന് ആയി ജോലി ചെയ്തുവരുന്ന പ്രശാന്തനെ ആരോഗ്യവകുപ്പാണ് അന്വേഷണ വിധേയമായി സസ്പെന്ഡ് ചെയ്തത്. എഡിഎം നവീന് ബാബുവിനെതിരായ കൈക്കൂലി ആരോപണത്തിലെ പരാതിക്കാരനായ ഇയാള് സര്വീസിലിരിക്കെ ബിസിനസ് നടത്തിയതും അനധികൃത അവധിയെടുത്തതും അടക്കം ചൂണ്ടിക്കാട്ടിയാണ് രാജി.
ആരോഗ്യ വകുപ്പ് അഡീഷണല് ചീഫ് സെക്രട്ടറിയും ജോയിന്റ് ഡിഎംഇയും നടത്തിയ അന്വേഷണത്തിന് പിന്നാലെയാണ് സസ്പെന്ഷന്.
്നവീന് ബാബുവിന്റെ മരണത്തില് ആരോപണ വിധേയനായ ടി വി പ്രശാന്തന് ഒക്ടോബര് 10ാം തിയ്യതി മുതല് അനധികൃതമായി സേവനത്തില് നിന്നും വിട്ടുനില്ക്കുന്നു, പരിയാരം മെഡിക്കല് കോളേജിലെ ജീവനക്കാരനെന്ന നിലയില് സ്വകാര്യ ബിസിനസില് ഏര്പ്പെട്ടത് സര്വ്വീസ് ചട്ടങ്ങളുടെ ലംഘനമാണ്. കാര്യസാധ്യത്തിനായി കൈക്കൂലി നല്കിയെന്ന് വെളിപ്പെടുത്തുക കൂടി ചെയ്തതോടെ പൊലീസ് അന്വേഷണത്തിന് കൂടി ശുപാര്ശ ചെയ്യുന്നതാണ് അന്വേഷണ റിപ്പോര്ട്ടിന്റെ ഉള്ളടക്കം. അനധികൃത സ്വത്ത് സമ്പാദനത്തില് അടക്കം അന്വേഷണവും റിപ്പോര്ട്ടില് ആവശ്യപ്പെടുന്നുണ്ട്.
