ഇടുക്കി: തൊടുപുഴ പെരുമാങ്കണ്ടത്ത് കാര്‍ കത്തിനശിച്ച് ഒരാള്‍ക്ക് ദാരുണാന്ത്യം. കാറിനകത്ത് കത്തിക്കരിഞ്ഞ നിലയിലാണ് മൃതദേഹം. മുന്‍ ബാങ്ക് ഉദ്യോഗസ്ഥനും കുമാരമംഗലം സ്വദേശിയുമായ സിബിയാണ് മരിച്ചത്. സംഭവസ്ഥലത്തെത്തിയ ബന്ധുക്കള്‍ മൃതദേഹം സിബിയുടേതാണെന്ന് തിരിച്ചറിഞ്ഞു.ഉച്ചയ്ക്ക് ഒരു മണിയോടെയാണ് സംഭവം.
സിബിയുടെ വീടിന്റെ ഒന്നര കിലോമീറ്റര്‍ അകലെ വച്ചാണ് കാറിനു തീപിടുത്തം ഉണ്ടായത്. ഫയര്‍ഫോഴ്സ് എത്തി തീ അണച്ചതിനുശേഷമാണ് കാറിനുള്ളില്‍ ആളുണ്ടെന്ന് കണ്ടെത്തിയത്
കാര്‍ കത്തുന്നതു കണ്ട പ്രദേശവാസികള്‍ അഗ്‌നിരക്ഷാസേനയെ വിവരമറിയിക്കുകയായിരുന്നു. തീപിടിത്തത്തിന് കാരണം എന്തെന്ന് വ്യക്തമല്ല.
